ACADEMIA GALEGA DO AUDIOVISUAL

A voda de dous brasileiros protagonizará o prime time do sábado en TVG. Verónica e Manuel son descendentes de familias galegas que emigraron desde Santa Comba (A Coruña). Tras varios meses organizando o enlace por internet, os mozos reencóntranse con poucos días de marxe para rematar os preparativos da súa voda en Galicia.

O Centro Galego de Artes da Imaxe proxecta hoxe sábado día 4 de febreiro (18.00 horas) a longametraxe galega SINBAD (2011) de Antón Dobao, versión fílmica da narración  de Álvaro Cunqueiro. O autor, malia o seu desexo, non poderá estar finalmente presente. A entrada é gratuíta.


Despois de pasar por A Coruña, Lugo, Ourense e Santiago, a proxección das curtas dos IV Premis Gaudí chega ao seu fin hoxe en Vigo. Na sede da Fundación Novacaixagalicia (Policarpo Sanz 13), a partir das 19.00h poderase desfrutar de forma gratuíta dos formatos curtos nominados nos Premios da Académia del Cinéma Catalá.

O Clúster Audiovisual Galego (CLAG) viaxará a Río de Xaneiro, en Brasil, para participar na segunda edición do mercado Río Content Market, cunha delegación formada por catro compañías do sector audiovisual galego. As empresas que, xunto ao CLAG, representarán ao sector no mercado de contidos brasileiro, que terá lugar do 29 de febreiro ao 2 de marzo, son: Continental Producciones, Ficción Producciones, Moonbite Games&Animation e Zoa Media.