Pontevedra foi onte a anfitrioa da gran festa anual do audiovisual galego. O seu Pazo da Cultura acolleu a VII edición dos Premios Mestre Mateo, un acto no que como é habitual reuníronse autoridades institucionais, representantes da vida social e económica de Galicia e, principalmente, asociacións e profesionais do sector.
O acto arrincou con forza grazas ao grupo de música Lamatumbá e ao colectivo de artistas Pista Catro, as dúas formacións que deron ritmo á toda a velada. Os actores de Pista Catro prenderon a mecha da Gala cunha actuación na que simularon chegar tarde e, abríndose paso entre o público, acadaron o escenario á vez que se daban os últimos toques de peiteado e vestimenta.Morris e Manuel Manquiña, os mestres de cerimonias da Gala do ano pasado, pasaron o testemuño ao seu sucesor para esta ocasión, o cantante Sergio Zearreta, que foi dando entrada e saída aos distintos momentos da Gala.
A Gala dos Premios Mestre Mateo 2008, que foi dirixida por Jorge Coira baixo o guión de Carlos Portela, tivo como patrocinadores á Xunta de Galicia, a través dos departamentos correspondentes ás areas de Comunicación, Cultura e Industria. Así mesmo, contou co patrocinio do Concello de Pontevedra (Pazo da Cultura) e da Televisión de Galicia. Os colaboradores da presente edición foron: Fundación Aisge, SGAE-Fundación Autor, Clúster Audiovisual Galego, Gadisa e Spica.
| Semana do Audiovisual Galego |
Patrocinadores
Gala Premios Mestre Mateo 08
|
"Get the Flash Player"
"to see this gallery."
|
 Discurso Presidenta | 53 Kb |
| Gañadores PMM 08 | 182 Kb |
| Programa Encontros Mestre Mateo | 574 Kb |
| Programa Semana do Audiovisual Galego | 371 Kb |
| Listado finalistas PMM 08 | 204 Kb |
| Listado definitivo participantes PMM 08 | 81 Kb |
| Bases | 109 Kb |
